पाथरी येथे मतदान जनजागृतीला प्रतिसाद..
पाथरी नगर परिषद सार्वत्रिक निवडणूक २०२५ च्या पार्श्वभूमीवर मतदारांमध्ये मतदान प्रक्रिया विषयी जनजागृती व्हावी व मतदानाची टक्केवारीत वाढ होण्यासाठी नगर परिषद निवडणूक विभागा मार्फत पाथरी शहरात विविध उपक्रम राबविण्यात येत आहेत त्याचाच एक भाग म्हणून प्रत्यक्षात ईव्हीएम द्वारे मतदान प्रक्रियाचे डेमो सादर करण्यात येत आहेत .निवडणूक प्रक्रियेची प्रत्यक्ष प्रात्यक्षिक,मतदान मशीनचे प्रदर्शन, मतदारांना मार्गदर्शनचे तसेच प्रत्येक मत महत्वाचे हा संदेश प्रभावीपणे देण्यात आला. या जनजागृती उपक्रमात महिला, ज्येष्ठ नागरिक, प्रथम मतदान करणारे तरुण, साक्षर-निरक्षर नागरिक तसेच दिव्यांग व्यक्तींनी उत्साहाने सहभाग नोंदवला समाजातील सर्व घटकांनी दिलेला या प्रतिसादा मुळे पाथरी शहरातील मतदानाची टक्केवारी वाढण्यास निश्चितच मदत होईल असा विश्वास श्रीमती अरुणा सांगेवार निवडणूक निर्णय अधिकारी पाथरी नगर परिषद यांनी व्यक्त केला. कार्यक्रम यशस्वीतेसाठी सहायक निवडणूक निर्णय अधिकारी श्री कृष्णा देशमुख,श्री युवराज पौळ,श्री प्रज्ञावंत कांबळे,मास्टर ट्रेनर श्री अजय भुसारे,श्री गजानन कुलकर्णी,श्री अंकुश काळे स्वीप चे श्री मुकेश राठोड,श्री शंकर धावारे,चंद्रकांत तिडके,मिडिया कक्षाचे श्री संदीपान घुंबरे,जमील सिद्दिकी, व श्री विशाल देशमुख श्री बागुल इत्यादी परिश्रम घेत आहेत
संपादक : उध्दव नामदेवराव इंगळे
