दिव्यांग बांधवांसाठी आधार व प्रमाणपत्र पडताळणी कॅम्प उत्साहात संपन्न
लोक योध्दा न्युज संपादक
पाथरी………
पाथरी तहसील कार्यालय येथे आज काल. १ एप्रिल २०२६ रोजी तहसीलदार एस. एन. हांदेशवार यांच्या नेतृत्वाखाली दिव्यांग प्रमाणपत्र पडताळणी व आधार कार्ड प्रमाणीकरणासाठी विशेष कॅम्प उत्साहात पार पडला. या उपक्रमाला तालुक्यातील दिव्यांग बांधवांचा उत्स्फूर्त प्रतिसाद लाभला.
या कॅम्पमध्ये दिव्यांग नागरिकांच्या विविध शासकीय कागदपत्रांची पडताळणी, आधार कार्डचे प्रमाणीकरण तसेच आवश्यक मार्गदर्शन करण्यात आले. एकाच ठिकाणी विविध सेवा उपलब्ध झाल्यामुळे लाभार्थ्यांनी समाधान व्यक्त केले.
कार्यक्रमाच्या यशस्वी आयोजनासाठी तहसील कार्यालयातील कर्मचारी सतीश राऊत, भीमराव लांडगे आणि परमेश्वर पवार यांनी विशेष परिश्रम घेत दिव्यांग बांधवांना मोलाचे सहकार्य केले. त्यांच्या सेवाभावी कार्याबद्दल उपस्थितांनी कृतज्ञता व्यक्त केली.
या कॅम्पला प्रहार जनशक्ती पक्षाचे तालुकाप्रमुख दिपक खुडे यांची प्रमुख उपस्थिती होती. त्यांनी दिव्यांग बांधवांना विविध शासकीय योजनांचा लाभ कसा घ्यावा याबाबत सविस्तर मार्गदर्शन केले, ज्याचा उपस्थितांना मोठा फायदा झाला.
एकूणच, दिव्यांग बांधवांच्या सुविधा व सक्षमीकरणाच्या दृष्टीने आयोजित करण्यात आलेला हा कॅम्प अत्यंत यशस्वी ठरला असून, भविष्यात अशा उपक्रमांची गरज असल्याचे मत उपस्थितांनी व्यक्त केले.
संपादक : उध्दव नामदेवराव इंगळे
