निवडणूक निर्णय अधिकारी श्रीमती अरुणा संगेवार यांची मतदान केंद्रांना पाहणी
पाथरी लोक योध्दा संपादक , उध्दव इंगळे
नगर परिषद पाथरी सार्वत्रिक निवडणुकीत मतदान प्रक्रीया सुरू असताना निवडणूक निर्णय अधिकारी श्रीमती अरुणा संगेवार यांनी आज विविध मतदान केंद्रांना भेट देत प्रत्यक्ष पाहणी केली.
यावेळी अनेक केंद्रांवर मतदारांची मोठी गर्दी दिसून आली. सकाळपासूनच मतदार रांगेत उभे राहत मतदानाचा हक्क बजावत होते. सर्व केंद्रांवर मतदानाची प्रक्रिया शांततेत आणि सुरळीतपणे पार पडत असल्याची माहिती संगेवार यांनी दिली.
पोलिस विभागातर्फे चोख बंदोबस्त ठेवण्यात आला असून शहरातील सर्व मतदान केंद्रांवर शांत वातावरणात मतदान सुरू आहे.
सकाळी साडेअकरा वाजेपर्यंत एकुण मतदान ३५२०८ पैकी ९३७५मतदारांनी हक्क बजावला आहे
26 टक्के मतदान झाले असून पुढील काही तासांत मतदानाचा टक्का आणखी वाढण्याची शक्यता आहे. मतदारांमध्ये प्रचंड उत्साह पाहायला मिळत असून निवडणुकीबाबतची जागरूकता लक्षणीयरीत्या जाणवत आहे.
संपादक : उध्दव नामदेवराव इंगळे
