रेणुका शुगर्सकडून २९६२ रुपये प्रति टनाचा भाव जाहीर; शेतकरी आंदोलनाला पहिले यश
उध्दव इंगळे, ‘लोक योध्दा’पाथरी : प्रतिनिधी
परभणी जिल्ह्यात ऊस दरासाठी सुरू असलेल्या संघर्षाला आज मोठा टप्पा गाठला. पोखर्णी फाटा (पाथरी) येथे स्वाभिमानी शेतकरी संघटना व अखिल भारतीय किसान सभेच्या नेतृत्वाखाली झालेल्या दमदार रस्ता रोको आंदोलनाच्या दबावानंतर श्री रेणुका शुगर्स लि., देवनांद्रा यांनी दर जाहीर केला.
२०२४-२५ हंगामासाठी रिकव्हरी ११.१० टक्के धरून २९६२ रुपये प्रति मेट्रिक टन एफआरपी लागू करण्याचा निर्णय अधिकृत पत्राद्वारे आंदोलकांना देण्यात आला. जिल्ह्यातील पहिला दर जाहीर झाल्यामुळे शेतकरी आंदोलनाला पहिले यश मिळाले.
आंदोलनाला शेतकऱ्यांची मोठ्या प्रमाणात उपस्थिती होती, तर परिस्थिती नियंत्रणात ठेवण्यासाठी पोलीस प्रशासनाचा जोरदार बंदोबस्त तैनात करण्यात आला होता. कॉम्रेड उमेश देशमुख, कॉम्रेड अजय बुरांडे, कॉम्रेड दीपक लीपने, कॉम्रेड ज्ञानेश्वर शिंदे, कॉम्रेड बळीराम वराडे, कल्याण जाधव, कॉम्रेड मधुकर आवचार आदी नेत्यांच्या उपस्थितीने आंदोलन अधिक धारदार झाले.
रेणुका शुगर्सने दर जाहीर केल्यामुळे आता परभणी जिल्ह्यातील इतर साखर कारखान्यांवर भाव जाहीर करण्याचा प्रचंड दबाव वाढला आहे. शेतकरी संघटनांचा संदेश ठाम आहे—
“
संपादक : उध्दव नामदेवराव इंगळे
