आज पाथरीत खा. डॉ. श्रीकांत शिंदेंची दमदार एन्ट्री; प्रचाराला मिळणार वेग
पाथरी : नगरपरिषद निवडणुकीस अवघे काहीच दिवस उरले असताना आज पाथरीतील प्रचारयुद्धाला नवीन सुरुवात मिळणार आहे. शिवसेना पक्षप्रमुखांचे विश्वासू आणि विभागाचे मार्गदर्शक खा. डॉ. श्रीकांत शिंदे आज पाथरीत येऊन उमेदवारांच्या प्रचाराला जोमदार चालना देणार आहेत.
शहरात निवडणुकीची रणधुमाळी सुरू असून मतदारांपर्यंत थेट पोहोचण्यासाठी पक्षांची धडपड वाढली आहे. या पार्श्वभूमीवर श्रीकांत शिंदे यांच्या भेटीला विशेष महत्व प्राप्त झाले आहे. त्यांच्या आगमनामुळे शिवसेना कार्यकर्त्यांमध्ये नवचैतन्य निर्माण झाले असून शहरात उत्साहाचे वातावरण पाहायला मिळत आहे.
स्थानिक नेतृत्व, पदाधिकारी आणि शिवसैनिकांनी शिंदे यांच्या आजच्या दौऱ्यासाठी सर्व तयारी पूर्ण केली आहे. शहराच्या विकासाचे आराखडे, निवडणूक लढवणाऱ्या उमेदवारांचा दृष्टिकोन आणि आगामी जाहीर सभांची दिशा स्पष्ट होण्याची शक्यता व्यक्त केली जात आहे.
शहरातील सर्व नागरिकांनी आणि शिवसैनिकांनी मोठ्या संख्येने उपस्थित राहून श्रीकांत शिंदे यांच्या मार्गदर्शनाचा लाभ घ्यावा, असे आवाहन शिवसेना जिल्हाप्रमुख, तालुकाध्यक्ष आणि नगराध्यक्ष पदाचे उमेदवार यांनी केले आहे.
संपादक : उध्दव नामदेवराव इंगळे
