गृहनिर्माण अभियंत्यांच्या मनमानी विरूद्ध लालझरे यांचा इशारा!
११ नोव्हेंबरला ‘चॉकलेट भेट आंदोलन’ची चेतावणी
पाथरी (दि. 31 ऑक्टोबर) –
पाथरी तालुक्यातील गृहनिर्माण अभियंता हे पंतप्रधान आवास व रमाई आवास योजनेंतर्गत लाभार्थ्यांकडून आर्थिक पिळवणूक करत असल्याचा आरोप अण्णाभाऊ साठे क्रांती सेनेचे युवक जिल्हाध्यक्ष प्रकाशराज लालझरे यांनी केला आहे.
लालझरे यांनी गटविकास अधिकारी, पंचायत समिती पाथरी यांना निवेदन देऊन या लुटीवर तात्काळ कारवाईची मागणी केली आहे. संपर्क क्रमांक कार्यरत नसणे, फाईल एजंटमार्फत देण्याचा दबाव, आणि लाभार्थ्यांना होणारा त्रास या बाबींवर त्यांनी संताप व्यक्त केला.
“घरकुल योजनांतील दलाली तात्काळ थांबवा, अन्यथा ११ नोव्हेंबर २०२५ रोजी ‘चॉकलेट भेट आंदोलन’ करण्यात येईल,” असा इशारा लालझरे यांनी दिला.
या निवेदनाची प्रत एसडीओ पाथरी, सीईओ जिल्हा परिषद परभणी, जिल्हा ग्रामीण विकास यंत्रणा आणि पोलिस स्टेशन पाथरी यांना पाठविण्यात आली आहे.
🗣️
संपादक : उध्दव नामदेवराव इंगळे
