परभणी जिल्हा प्रतिनिधीपदी बा.सू. टेंगसे यांची बिनविरोध निवड
उध्दव इंगळे,
लोक योद्धा न्युज संपादक .
केमिस्ट अँड ड्रगिस्ट संघटनेमध्ये पाथरीतील नेतृत्वाचा गौरव!
सर्व स्तरातून अभिनंदनचा वर्षाव!
पाथरी —– प्रतिनिधी
अखिल भारतीय केमिस्ट अँड ड्रगिस्ट असोसिएशनच्या परभणी जिल्हा प्रतिनिधीपदी पाथरी येथील ज्येष्ठ व अनुभवी केमिस्ट बा.सू. टेंगसे यांची बिनविरोध निवड झाल्याने पाथरीसह संपूर्ण परभणी जिल्ह्यात आनंदाचे व अभिमानाचे वातावरण निर्माण झाले आहे. जिल्ह्यातील सर्व केमिस्ट व औषध विक्रेता बांधवांनी एकमुखी पाठिंबा देत त्यांच्या नेतृत्वावर पुन्हा एकदा विश्वासाची मोहोर उमटवली आहे.
देशभरातील औषध विक्रेते, केमिस्ट व ड्रगिस्ट बांधवांचे प्रश्न प्रभावीपणे मांडणारी आणि केमिस्टांच्या हितासाठी कार्य करणारी अखिल भारतीय केमिस्ट अँड ड्रगिस्ट असोसिएशन ही अत्यंत प्रतिष्ठेची संघटना मानली जाते. संघटनेच्या निवडणुका सुरू असताना परभणी जिल्ह्यातील सर्व केमिस्ट बांधवांनी बा.सू. टेंगसे यांच्या नावावर एकमत दर्शवत त्यांची बिनविरोध निवड निश्चित केली. त्यामुळे त्यांच्या कार्याची आणि नेतृत्वक्षमतेची पुन्हा एकदा प्रचिती आल्याची भावना व्यक्त होत आहे.
गेल्या तब्बल २८ वर्षांपासून संघटनेत सक्रिय असलेल्या टेंगसे यांनी जिल्हा सहसचिव, जिल्हा उपाध्यक्ष यांसारख्या महत्त्वाच्या पदांवर उल्लेखनीय कार्य केले आहे. तसेच राज्य फार्मसी कौन्सिलचे समन्वयक म्हणूनही त्यांनी राज्यभरातील केमिस्ट बांधवांचे प्रश्न प्रभावीपणे मांडून संघटनात्मक कार्यात आपली वेगळी ओळख निर्माण केली आहे.
संघटन कौशल्य, सर्वसामान्य केमिस्ट बांधवांशी जपलेला जिव्हाळ्याचा संवाद, व्यापारी प्रश्नांवरील अभ्यासू भूमिका आणि सातत्यपूर्ण कार्यपद्धती यामुळेच त्यांच्याविरोधात एकही उमेदवार उभा राहिला नाही, अशी प्रतिक्रिया केमिस्ट क्षेत्रातून व्यक्त होत आहे.
पाथरीच्या शिरपेच्यात मानाचा तुरा!!
बा.सू. टेंगसे यांच्या निवडीमुळे पाथरी तालुक्याच्या शिरपेचात मानाचा तुरा रोवला गेला असून मराठवाड्यात पाथरीच्या नेतृत्वाचा सन्मान अधिक उंचावल्याची भावना व्यक्त होत आहे. परभणी जिल्ह्यासह विविध भागांत त्यांचा सत्कार करून अभिनंदन करण्यात येत असून औषध विक्रेता संघटनांमधून त्यांच्यावर शुभेच्छांचा वर्षाव होत आहे.
“संघटनेच्या माध्यमातून केमिस्ट बांधवांचे प्रश्न अधिक ताकदीने मांडून व्यापारी हितासाठी कार्य सुरूच ठेवणार,” अशी भावना बा.सू. टेंगसे यांनी व्यक्त केली.
लोक योद्धा न्युज
संपादक : उध्दव नामदेवराव इंगळे
