ईद सणानिमित्त सुनील शेट्टी (अन्ना) यांची मानवत येथे सदिच्छा भेट; बेलदार यांच्या हस्ते सत्कार
✍️ अनिल चव्हाण | मानवत
मानवत : पवित्र रमजान ईद सणाच्या पार्श्वभूमीवर मुंबई येथील प्रसिद्ध उद्योजक सुनील शेट्टी (अन्ना) यांनी मानवत येथे भेट देत मुस्लिम बांधवांना ईदच्या शुभेच्छा दिल्या. त्यांच्या आगमनामुळे शहरात उत्साहाचे वातावरण निर्माण झाले.
यावेळी राज बेलदार संघटनेचे राज्याध्यक्ष तथा पत्रकार व युवानेते मुस्तखीम बेलदार यांच्या वतीने सुनील शेट्टी (अन्ना) यांचा शाल, श्रीफळ व पुष्पहार देऊन यथोचित सत्कार करण्यात आला.
कार्यक्रमादरम्यान दोन्ही मान्यवरांमध्ये सामाजिक बांधिलकी, समाजातील विविध समस्या तसेच विकासात्मक उपक्रमांवर सकारात्मक चर्चा झाली. समाजातील ऐक्य आणि सलोखा वृद्धिंगत करण्यासाठी अशा भेटी महत्त्वाच्या असल्याचे यावेळी मत व्यक्त करण्यात आले.
या प्रसंगी गेवराई येथील माजी जिल्हा परिषद सदस्य शेख रहीम, उद्योजक माजेद पठाण, समाजसेवक एकबाल राज यांच्यासह अनेक मान्यवर व नागरिक मोठ्या संख्येने उपस्थित होते.
या सदिच्छा भेटीमुळे मानवत शहरात आनंदाचे वातावरण निर्माण झाले असून, समाजात बंधुता आणि एकोप्याचा संदेश अधिक दृढ झाला आहे.
📌 फोटो कॅप्शन
मानवत येथे रमजान ईद निमित्त सुनील शेट्टी (अन्ना) यांचा मुस्तखीम बेलदार यांच्या हस्ते सत्कार करताना मान्यवर.
संपादक : उध्दव नामदेवराव इंगळे
