पाथरीत शिवसेनेच्या वतीने इफ्तार पार्टीचे आयोजन, मान्यवरांना उपस्थीतीचे आवाहन.
अहेमद अन्सारी
पाथरी | प्रतिनिधी :
पवित्र रमजान महिन्यानिमित्त पाथरी येथे शिवसेना पक्षाच्या वतीने रविवार, दि. १५ मार्च २०२६ रोजी सायंकाळी ६:३८ वाजता (२५ रमजान) रोजा इफ्तारी कार्यक्रमाचे आयोजन करण्यात आले आहे. हा कार्यक्रम अग्निशामक रोड, एकता नगर येथील मोहम्मद फंक्शन हॉल व मदिना फंक्शन हॉल येथे पार पडणार आहे.
या कार्यक्रमाचे आयोजन शिवसेना अल्पसंख्याक विभागाचे प्रदेशाध्यक्ष तथा शिवसेना जिल्हाप्रमुख परभणी सईदभैय्या खान यांच्या मार्गदर्शनाखाली करण्यात आले आहे. नगर परिषद पाथरीचे नगराध्यक्ष असिफभैय्या खान तसेच शिवसेना अल्पसंख्याक विभागाचे युवक प्रदेशाध्यक्ष मेहराज खान हे या कार्यक्रमाचे आयोजक आहेत.
या रोजा इफ्तारी कार्यक्रमास सर्व नागरिक, मान्यवर, प्रतिष्ठित व्यक्ती तसेच पत्रकार बांधवांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
संपादक : उध्दव नामदेवराव इंगळे
