पाथरी प्रतिनिधी ,

उध्दव इंगळे

पाथरी शहरातील पाटील गल्ली येथील पाटील वाड्यात आज दुपारी १२.४२ वाजता गॅस सिलिंडरची गळती होऊन स्वयंपाकघरात अचानक आग भडकण्याची घटना घडली. श्री. निखिल पाटील यांच्या घरी स्वयंपाक सुरू असताना सिलिंडरमधील गळतीमुळे क्षणार्धात ज्वाळांनी उग्ररूप धारण केले. काहीच सेकंदांत संपूर्ण स्वयंपाकघर आगीच्या विळख्यात सापडले.

घटनेची माहिती मिळताच अग्निशामक दलाने क्षणाचाही विलंब न करता घटनास्थळी धाव घेतली. दलातील शूर जवान खुर्रम खान आणि बळीराम गवळे यांनी परिस्थितीची गंभीरता ओळखून स्वतःच्या जीवाची पर्वा न करता धाडसी पद्धतीने आग नियंत्रणात आणण्यासाठी त्वरित मोहीम राबवली. त्यांच्या अथक प्रयत्नांमुळे आणि तात्काळ कारवाईमुळे आग वाढण्यापासून रोखली जाऊन मोठा अनर्थ टळला.

या घटनेत स्वयंपाकघराचे मोठ्या प्रमाणात नुकसान झाले असले, तरी सुदैवाने कोणतीही जीवितहानी झाली नाही, ही अत्यंत दिलासादायक बाब आहे. पाटील कुटुंबीयांसह संपूर्ण परिसराने एक मोठा धोका टळला.

अग्निशामक जवान खुर्रम खान आणि बळीराम गवळे यांच्या शौर्यपूर्ण कामगिरीची शहरभरातून प्रशंसा होत असून, त्यांच्या तत्परतेने आणखी मोठी दुर्घटना टळल्याचे नागरिकांनी समाधान व्यक्त केले आहे.

लोक योद्धा

संपादक : उध्दव नामदेवराव इंगळे