उध्दव इंगळे,लोक योध्दा संपादक

पाथरीत संतापाचा उद्रेक; दोषींवर कारवाई व ‘फुले मेट्रो स्टेशन’ची मागणी**

पाथरी : प्रतिनिधी
महात्मा ज्योतिराव फुले यांच्या जीवनकार्यावर आधारित तयार करण्यात आलेल्या महत्त्वपूर्ण डॉक्युमेंटरीची मूळ फाईल मंत्रालयातून गायब झाल्याच्या सनसनाटी उघडकीनंतर पाथरीसह राज्यभरातील फुले–शाहू–आंबेडकरी विचारवंतांमध्ये तीव्र नाराजी उसळली आहे. या गंभीर प्रकरणी दोषी अधिकाऱ्यांची तत्काळ चौकशी करून कठोर कारवाई करावी, अशी मागणी करणारे निवेदन आज फुले–शाहू–आंबेडकर विचार मंच, पाथरीतर्फे तहसीलदार मार्फत मुख्यमंत्री देवेंद्र फडणवीस यांना सादर करण्यात आले.

निवेदनात म्हटले आहे की—
“महात्मा फुले हे सामाजिक परिवर्तनाचे प्रणेते असून त्यांच्या विचारांची मुळे जनमानसात शतकानुशतके रुजलेली आहेत. अशा महामानवांच्या डॉक्युमेंटरीची फाईल मंत्रालयातून गायब होणे म्हणजे घोर निष्काळजीपणा नव्हे, तर संशयास्पद कृत्य आहे. कोणत्याही फाईल्स गायब झाल्या तरी फुले–शाहू–आंबेडकरी विचार कधीच नाहीसे होणार नाहीत.”

याचबरोबर, पुण्यातील मंडई मेट्रो स्टेशनला ‘महात्मा फुले मेट्रो स्टेशन’ असे नामांतर करण्याची जनभावनादर्शक मागणीही निवेदनातून करण्यात आली.
ही मागणी तात्काळ मान्य न झाल्यास लोकशाही मार्गाने तीव्र आंदोलन उभारण्याचा इशाराही विचारवंतांनी दिला आहे.

या निवेदनावर विश्वनाथ अण्णा थोरे, रंगनाथराव वीरकर, भरतराव हरकळ, राधे गिराम, अविनाश चिंचाणे, शिवाजीराव हरकल, विजय वीरकर, नारायणराव पितळे, रवी मानोलीकर, दत्तात्रेय केंदळे, नभाजी सत्वधर, लक्ष्मण रासवे, तुकाराम अण्णा राठोड, अनिल कोरडे, सतीश गिराम, बालाजी मानोलीकर, मुंजाभाऊ वाघमारे (सर्पंच, बांदरवाडा), विकास कांबळे, साहेबराव मानोलीकर, विश्वंभर गिराम, सुखदेवराव चिंचाणे, राजेभाऊ गिराम, नरेश चिंचाणे यांसह असंख्य विचारवंतांनी सही करून जोरदार पाठिंबा दर्शविला.

फुलेप्रेमींच्या भावना दुखावणाऱ्या या प्रकरणी तत्काळ कारवाई करण्याची एकमुखी मागणी करण्यात आली आहे.

लोक योद्धा

संपादक : उध्दव नामदेवराव इंगळे