**अविश्वासानंतर ‘विश्वास’ जिंकला; एकनाथ घांडगे सभापतीपदी बिनविरोध निवड!**
उध्दव इंगळे लोक योध्दा न्युज
पाथरी : पाथरी बाजार समितीच्या सत्तासमीकरणात आज मोठे राजकीय वळण घडले. एकनाथ घांडगे यांची सभापतीपदी बिनविरोध निवड होताच, गेल्या काही दिवसांतील गोंधळ, अविश्वास प्रस्ताव आणि गटबाजी या सर्वांना शेवट मिळाला.
माजी सभापती अनिलराव नखाते यांच्या विरोधात शिवसेना शिंदे गटातील पाच व बाबाजानी दुर्राणी समर्थक आठ सदस्यांनी एकत्र येत अविश्वास प्रस्ताव दाखल केला होता. प्रस्ताव पारित झाल्यानंतर नखाते यांचे पायउतार होणे निश्चित झाले. त्यानंतर झालेल्या निवड प्रक्रियेत घांडगे यांच्या नावावर सर्वांचे एकमत झाले आणि कोणत्याही विरोधाशिवाय निवड पार पडली.
याच पार्श्वभूमीवर बाबाजानी दुर्राणी यांनी आपल्या राजकीय कौशल्याची प्रचिती पुन्हा एकदा दिली. तालुक्यातील दोन गटांतील तणाव, असंतोष आणि युतीचे बदलते स्वरूप ओळखून त्यांनी अगदी योग्य क्षणी रणनीती आखली.
दुर्राणी यांनी एका अर्थाने एकाच दगडात दोन्ही गटांना चेकमेट करत, तालुक्यातील आपले अस्तित्व अजूनही अबाधित आहे हे प्रभावीपणे सिद्ध केले. त्यांच्या भूमिकेमुळेच अविश्वासानंतरचा सत्ता बदल सुरळीत पार पडल्याचे राजकीय जाणकारांचे मत आहे.
घांडगे यांच्या निवडीमुळे बाजार समितीच्या कामकाजाला नवी दिशा मिळेल, अशी अपेक्षा स्थानिक पातळीवर व्यक्त होत आहे. शेतकरी व व्यापारी वर्गामध्ये नव्या नेतृत्वाबद्दल विश्वासाचे वातावरण निर्माण झाले असुन या निवडीनंतर स्वतः माजी आमदार दुर्राणी यांनी अभिनंदन केले व कार्यकर्त्यांनी आनंदोत्सव साजरा केला .
— लोक योध्दा न्यूज*
संपादक : उध्दव नामदेवराव इंगळे
