पाथरी नगर परिषद निवडणूक : आज मतदान अधिकारी-कर्मचाऱ्यांचे पहिले प्रशिक्षण; छाननीत अध्यक्षांचे १९ आणि सदस्यांचे १३८ अर्ज पात्र
उध्दव इंगळे लोक योध्दा न्यूज:
पाथरी नगर परिषद पाथरी सार्वत्रिक निवडणूक 2025 अनुषंगाने प्रत्यक्ष मतदानाची प्रक्रिया पार पाडणाऱ्या मतदान केंद्राध्यक्ष व मतदान अधिकाऱ्यांचे पहिले प्रशिक्षण आज, बुधवार दिनांक 19 नोव्हेंबर रोजी महात्मा फुले मंगल कार्यालय, पाथरी येथे आयोजित करण्यात आले आहे. सकाळी 10 वाजता निवडणूक निर्णय अधिकारी श्रीमती अरुणा संगेवार यांच्या अध्यक्षतेखाली प्रशिक्षणास सुरुवात होणार आहे.
प्रशिक्षणासाठी नियुक्त सर्व मतदान केंद्राध्यक्ष, मतदान अधिकारी व कर्मचाऱ्यांनी वेळेवर उपस्थित राहून मतदान प्रक्रिया, नियमावली व जबाबदारीची सखोल माहिती आत्मसात करावी, असे आवाहन श्रीमती संगेवार यांनी केले आहे. मार्गदर्शनासाठी सहायक निवडणूक निर्णय अधिकारी श्री युवराज पौळ आणि श्री कृष्णा देशमुख उपस्थित राहणार आहेत.
१८ नोव्हेंबर रोजी छाननी पूर्ण : अध्यक्ष पदासाठी १९, सदस्य पदासाठी १३८ अर्ज पात्र
नगर परिषद पाथरी सार्वत्रिक निवडणूक 2025 साठी दाखल झालेल्या उमेदवारी अर्जांची छाननी मंगळवार, 18
नोव्हेंबर रोजी करण्यात आली. 17 नोव्हेंबरपर्यंत अध्यक्ष पदासाठी 22 तर सदस्य पदासाठी 201 अर्ज दाखल झाले होते.
छाननीनंतर
अध्यक्ष पदाचे 19 अर्ज पात्र
सदस्य पदाचे 138 अर्ज पात्र
तर
अध्यक्ष पदासाठी 3 अर्ज
सदस्य पदासाठी 63 अर्ज अपात्र ठरविण्यात आले.
छाननीदरम्यान सर्व कागदपत्रांची पडताळणी करून अंतिम पात्र उमेदवारांची नोंद करण्यात आली असल्याचे निवडणूक विभागाने कळविले आहे.
संपादक : उध्दव नामदेवराव इंगळे
