न.प. पाथरी निवडणूक निर्णय अधिकाऱ्यांची सीएसटी पथकाला भेट, शहरात येणाऱ्या वाहनांची काटेकोर तपासणी करण्याच्या सूचना !
न.प. पाथरी निवडणूक निर्णय अधिकाऱ्यांची सीएसटी पथकाला भेट
शहरात येणाऱ्या वाहनांची काटेकोर तपासणी करण्याच्या सूचना
पाथरी (प्रतिनिधी – लोक योद्धा न्यूज) :
नगर परिषद पाथरी सार्वत्रिक निवडणूक 2025 अनुषंगाने निवडणूक निर्णय अधिकारी सौ. अरुणा संगेवार यांनी दिनांक 16 नोव्हेंबर रोजी पोखर्णी फाटा येथे कार्यरत सीएसटी पथकाची पाहणी करून आवश्यक निर्देश दिले.
यावेळी संगेवार यांनी शहरात प्रवेश करणाऱ्या सर्व वाहनांची काटेकोर तपासणी करून योग्य नोंद राखण्याच्या सूचना दिल्या. वाहन तपासणीदरम्यान प्रवासी, विशेषतः महिला प्रवाशांशी सौजन्यपूर्ण तसेच संवेदनशील वर्तन राखण्यावर त्यांनी भर दिला. निवडणूक प्रक्रियेत कोणताही अनुचित प्रकार होऊ नये, कायदा-सुव्यवस्था अबाधित राहावी यासाठी पथकाने दक्षता बाळगावी, असेही त्यांनी सांगितले.
या पाहणीदरम्यान श्री गिनगिने, श्री रेड्डी, तसेच ग्रामपंचायत अधिकारी श्री मस्के उपस्थित होते.
— लोक योद्धा न्यूज पोर्टल
संपादक : उध्दव नामदेवराव इंगळे
