ग्राहक पंचायत महाराष्ट्रच्या पाथरी शहराध्यक्षपदी सुनील तळेकर!
शहराध्यक्षपदी सुनील तळेकर!
पाथरी (प्रतिनिधी) :
पाथरी येथील श्री कांच बसवेश्वर मठ संस्थान येथे ग्राहक पंचायत महाराष्ट्रच्या बैठकीत पाथरी तालुका आणि शहराध्यक्षांची निवड करण्यात आली. या बैठकीस जिल्हाध्यक्ष श्री धाराजी भुसारे आणि जिल्हा सचिव श्री अशोककुमार पवार प्रमुख पाहुणे म्हणून उपस्थित होते.
या वेळी श्री परमेश्वर शिंदे यांची पाथरी तालुकाध्यक्ष आणि श्री सुनील तळेकर यांची पाथरी शहराध्यक्ष म्हणून निवड जाहीर करण्यात आली. निवड जाहीर होताच उपस्थित कार्यकर्त्यांनी टाळ्यांच्या गजरात नव्या पदाधिकाऱ्यांचे स्वागत केले.
या कार्यक्रमास जिल्हा उपाध्यक्ष श्री देवलिंग आप्पा देवडे, जिल्हा कोषाध्यक्ष श्री नितीन पाटील, जिल्हा उपाध्यक्षा सौ. सुरेखा नाईकवाडे, श्री सुनील नाईकवाडे, श्री बालासाहेब (मामा) पांडे, अद्वैतकुमार मुळे, अनिल शिंदे आदी मान्यवर उपस्थित होते.
बैठकीदरम्यान ग्राहकांच्या हक्कांचे रक्षण, जनजागृती उपक्रम आणि संघटनेची कार्यक्षमता वाढविण्याबाबत सविस्तर चर्चा झाली.
या निवडीमुळे पाथरी तालुक्यात ग्राहक पंचायत महाराष्ट्रच्या कार्यात नवचैतन्य निर्माण होईल, असा विश्वास उपस्थित मान्यवरांनी व्यक्त केला.
संपादक : उध्दव नामदेवराव इंगळे
