सार्वजनिक रस्त्यावर केक कापल्याप्रकरणी पुण्याच्या माजी नगरसेवकासह सहा जणांवर गुन्हा दाखल

पुणे : सार्वजनिक रस्त्यावर टेबल ठेवून आणि केक कापून वाढदिवस साजरा करणे येरवड्यातील गाडीतळ येथील एका माजी नगरसेवकाला शुक्रवारी पहाटे एकच्या सुमारास महागात पडले. त्यांच्या मुलासह सात जणांवर गुन्हा दाखल करण्यात आला आहे.पोलीस हवालदार बलजित बाबुराव थोरात (वय 40) यांनी लक्ष्मीनगर पोलीस ठाण्यात फिर्याद दिली. माजी नगरसेवक कार्यालयासमोरील सार्वजनिक रस्त्यावर ही घटना घडली.पोलिसांनी दिलेल्या माहितीनुसार, माजी नगरसेवक शुक्रवारी वाढदिवस साजरा करणार होते. पहाटे एकच्या सुमारास फटाकेही फोडण्यात आले. उत्सवाला उपस्थित असलेल्या नगरसेवकाच्या मुलाने व इतरांनी सार्वजनिक शांतता भंग करून रस्त्यावरील वाहतुकीला अडथळा निर्माण केल्याचे तक्रारीत म्हटले आहे.